• تەۋسىيە
    يىڭى خەۋەرلەرNEW

    نېمە ئۈچۈن ئاياللار ئاسانلا ئەيدىز بىلەن يۇقۇملىنىپ قالىدۇ؟

    1. جىنسىيەتكە مۇناسىۋەتلىك بىلىمى كەمچىل.

    ئەرلەر بىلەن سېلىشتۇرغاندا، ئاياللارنىڭ ئەيدىزنىڭ ئالدىنى ئېلىشقا مۇناسىۋەتلىك بىلىملەرگە ئېرىشىش پۇرسىتىنىڭ ئازلىقى دۇنيانىڭ كۆپ قىسىم جايلىرىدىكى دۆلەت ۋە رايونلاردا ئورتاق مەۋجۇت بولغان ھەقىقەت. ئاياللار جىنسىي مۇناسىۋەت جەريانىدا پاسسىپ رول ئوينايدىغان بولغاچقا، ئۇلار جىنسىيەت ۋە ئەيدىز توغرىسىدا يېتەرلىك بىلىمگە ئېرىشەلمەي كەلگەن. نەتىجىدە، ئاياللار ۋە قىزلارنى ئەيدىز ۋە جىنسىيەتكە مۇناسىۋەتلىك بىلىم بىلەن تەمىنلەيدىغان ۋاستە بولمىغاچقا نەچچە مىليونلىغان قىزلار يېشى چوڭايسىمۇ، ئەمما ئۇلارنىڭ بۇ جەھەتتىكى بىلىمى بەكلا ئاز بولماقتا. بەزى مەكتەپلەردە جىنسىيەت بىلىملىرى ئاز -تولا ئۆتۈلسىمۇ، ئەمما قىزلارنىڭ بۇنىڭدىن ئېرىشىدىغان پايدىسى ناھايىتى ئاز بولماقتا. بەزى جايلاردا ھەتتا نامراتلىق سەۋەبىدىن قىزلارنىڭ مەكتەپتىن چىقىرىۋېلىنىش نىسبىتى ئوغۇللارنىڭكىدىن نەچچە ھەسسە يۇقىرى بولماقتا. ئەنئەنىۋى تەربىيە قارىشى تۈپەيلى قىزلارنىڭ بۇ جەھەتتىكى بىلىملەرگە ئېرىشىش پۇرسىتى بەكلا ئاز بولغاچقا، كېيىنكى تۇرمۇش جەريانىدا ئۇلارنىڭ ئەيدىز قاتارلىق خەتەرلىك يۇقۇملۇق كېسەللىكلەر بىلەن يۇقۇملىنىپ قېلىش نىسبىتى بەكلا يۇقىرى بولماقتا.

    2. ئاياللارنىڭ بىئولوگىيەلىك ئالاھىدىلىكى.

    ئالىملار ئەيدىز ۋىرۇسىنى تەتقىق قىلىش جەريانىدا، ئەر-ئاياللار بەدىنىنىڭ تۈزۈلۈش ئالاھىدىلىكىنىڭ ئوخشاش بولماسلىقى سەۋەبىدىن ئۇلانىڭ ئەيدىز ۋىرۇسى بىلەن يۇقۇملىنىش نىسبىتىنىڭمۇ ئوخشاش بولمايدىغانلىقىنى، ئاياللارنىڭ ئەيدىز بىلەن يۇقۇملىنىش نىسبىتىنىڭ ئەرلەردىن 4-2 ھەسسىگىچە يۇقىرى بولىدىغانلىقىنى بايقىغان. بۇنىڭ ئىچىدە يەنە كىچىك قىزلارنىڭ ئەيدىز بىلەن يۇقۇملىنىش نىسبىتى ئاياللارنىڭكىدىن يۇقىرى بولىدىغانلىقى ئېنىقلانغان. ب د ت نىڭ ئەيدىر كېسىلىنىڭ دۇنيادىكى تارقىلىش ئەھۋالىغا مۇناسىۋەتلىك دوكلاتىدىمۇ مۇشۇنىڭغا مۇناسىۋەتلىك پاكىتلار ئېنىق ئوتتۇرىغا قويۇلغان.

    شۇنىڭ بىلەن بىر ۋاقىتتا، ھەرقايسى قاتلام كىشىلىرىنىڭ قارىشىدا ئاياللارنىڭ ھامىلىدار بولۇشى ۋە يەڭگىشى تولىمۇ نورمال ئىش دەپ قارىلىدىغان بولغانلىقتىن، ئاياللارنىڭ بۇ جەرياندا ئۇچرىغان زىيان-زەخمەتلىرى ۋاقتىدا داۋالىتىلماي ئۇلارنىڭ كۆپىيىش ئەزالىرىنىڭ ساغلاملىقىغا ئېغىر تەھدىت ئېلىپ كەلگەن.

    3. ئەر-ئاياللار ئورنىنىڭ باراۋەر بولماسلىقى.

    ئەر-ئاياللارنىڭ ئىقتىسادىي مۇناسىۋەت، ئائىلە، شۇنداقلا جەمئىيەتتىكى ئورنىنىڭ تەڭپۇڭسىز ۋە باراۋەر بولماسلىقى سەۋەبلىك ئۇلارنىڭ جىنسىي مۇناسىۋەت جەريانىدا ئۇچرايدىغان چەكلىمىسى تېخىمۇ كۆپ بولماقتا.

    ئائىلىدىكى باراۋەرسىزلىك: ئادەتتىكى ئەھۋاللاردا ئەرلەرنىڭ جەمئىيەتتىكى ئورنى، ئىقتىسادىي كىرىمى، تەربىيەلىنىش دەرىجىسى، جەمئىيەتتىكى رولى قاتارلىقلار ئاياللاردىن يۇقىرى بولىدۇ. مۇشۇ سەۋەب تۈپەيلى ئائىلىدە ئەر-ئاياللارنىڭ باراۋەرسىزلىكى كېلىپ چىقىپ، ئاياللارنىڭ قانۇنىي ھوقۇق-مەنپەئەتى قوغداشقا ئېرىشەلمەي كەلمەكتە.

    قىزلار تەربىيە ئېلىشتا ئۆزىگە ئۆزى ئىگىدارچىلىق قىلالمايدۇ: قىزلارنىڭ بالدۇر نىكاھلىنىشى ئۇلارنىڭ ئاسانلا ھەرخىل كېسەللىكلەر بىلەن يۇقۇملىنىپ قېلىشىدىكى مۇھىم سەۋەب. قىزلار يېشى ئۆزىدىن كۆپ پەرقلىنىدىغان ئەرلەر بىلەن توي قىلغاندا سۆز قىلىش ھوقۇقى، ئىقتىسادقا ئۆزى ئىگىدارچىلىق قىلىش ھوقۇقى قاتارلىق جەھەتلەردە نۇرغۇن چەكلىمىلەرگە ئۇچرايدۇ. كۆپ قىسىم جايلاردا بالدۇر توي قىلىش، ھامىلىدار بولۇش، ئىقتىسادىي قىيىنچىلىق ياكى ئائىلە ئىشلىرىنىڭ بېسىمى تۈپەيلى قىزلارنىڭ مەكتەپتىن چىقىۋېلىش نىسبىتى ئوغۇللاردىن خېلىلا يۇقىرى بولىدۇ. باشلانغۇچ يېشىدىكى ئوقۇشسىز قالغان بالىلار ئىچىدە قىزلارنىڭ سانى ئوغۇللارنىڭكىدىن خېلىلا كۆپ. ئەيدىز ۋىرۇسىنىڭ يۇقۇش نىسبىتى يۇقىرى بولغان دۆلەتلەردە ئۆتكەن 10 يىل جەريانىدا قىزلارنىڭ مەكتەپكە كىرىپ بىلىم ئېلىش نىسبىتى ئۇدا تۆۋەنلىگەن. تەكشۈرۈش ئارقىلىق، 19-15 ياشلىق قىزلار بىلەن ئوغۇللار ئارىسىدا ئەيدىزگە مۇناسىۋەتلىك بىلىملەردىن خەۋەدار ئوغۇللارنىڭ سانى قىزلارنىڭكىدىن كۆپ بولغان.

    ئاياللار ئىقتسىادقا ئۆزى ئىگە بولالمايدۇ: ئاياللارنىڭ ئىقتىسادتا يولدىشى ۋە باشقا ئەر قېرىنداشلىرىغا تايىنىدىغانلىقى ئۇلارنىڭ ئەيدىز ۋىرۇسى بىلەن يۇقۇملىنىش نىسبىتىنى ئاشۇرىۋەتكەن.

    ئۆز ئىقتىسادىغا ئۆزى ئىگىدارچىلىق قىلىش ئاياللارنىڭ ئەيدىز ۋىرۇسى بىلەن يۇقۇملىنىشقا قارشى تۇرۇشىدىكى مۇھىم تەدبىر. ئاياللار ئىقتىسادتا مۇستەقىل بولالمىسا تۇرمۇشتا قىيىنچىلىقتا قالىدۇ، ئاسانلا زوراۋانلىق تەھدىتىگە ئۇچرايدۇ، ھەتتا كوچىلاردا سەرسان-سەرگەردانلىقتا قېلىشقا مەجبۇر بولىدۇ. بۇ ئامىللار ئۇلارنىڭ باشقىلارنىڭ زىيانكەشلىكىگە ئۇچراش، ئەيدىز بىلەن يۇقۇملىنىپ قېلىش ئېھتىماللىقىنى يۇقىرىلىتىۋېتىدۇ.



    كۈرۈلىشى:(19) 2017-03-28 ساغلاملىق خەۋەرلەر

    بالىلار رەسىملىك كىتاب ئوقۇش پىروگراممىسى 2-قىسىم: «ئۇخلىغىن خۇددى يولۋاستەك»

      مىليونلارچە ئوقۇشلۇق بالىلار پىروگراممىسى بۆشۈك ئانا-بالىلار كۇلۇبى تەسىس قىلغان بالىلار رەسىملىك كىتابى ئوقۇش ۋە قول ھۈنەرۋەنلىك ئويۇنلىرىنى ئويناش پىروگراممىسى بولۇپ، ھەر ھەپتىدە بىر سان يېڭىلىنىدۇ.
    رەسىملىك كىتاب بولسا بالىلارنىڭ تەپەككۇرىنى ئويغىتىشقا زور رول ئوينايدىغان بىرخىل ۋاسىتە بولۇپ، توغرا تاللانغان رەسىملىك كىتاب پەرزەنتلىرىمىزنىڭ چوڭ بولغاندا كىتاب ئوقۇشنى ياخشى كۆرۈش ۋە ئىشلارنى تەپەككۇر قىلىشتا يېڭىلىق ئىدىيەلەرنى كەلتۈرۈشتە ناھايىتى زور رول ئوينايدۇ. ئەلۋەتتە بىز بالىلارغا رەسىملىك كىتابلارنى ئېلىپلا بەرمەستىن چوقۇم بالىلارغا قانداق ئوقۇشنى بىلدۈرۈشىمىز ۋە بالىلارنى رەسىملىك كىتاب ئىچىدىكى ھېكايىگە باشلاپ كىرىشىمىز كېرەك.
    يۇقىرىدىكى بۇ پىروگرامما بولسا دەل  ئاتا-ئانىلارنىڭ بالىلارغا، رەسىملىك كىتاب تاللىغاندا قانداق تاللاش ۋە رەسىملىك كىتابنى بالىلارغا قانداق ئوقۇپ بېرىشنى دەپ بېرىدىغان كۆڭۈللۈك بىر پىروگرامما.



    كۈرۈلىشى:(17) 2017-03-28 ساغلاملىق خەۋەرلەر

    ئەيدىز ۋىرۇسى ئېلىپ يۈرگەنلەرنىڭ قانچىلىكى ھەقىقىي ئەيدىز بىمارىغا ئايلىنىدۇ؟

    ئەيدىز ۋىرۇسى يۇققاندىن كېيىن ئەيدىز ۋىرۇسى ئېلىپ يۈرگۈچىلەرنىڭ كۆپ قىسىمىدا كۆرۈنەرلىك كېسەللىك ئالامىتى بايقالمايدۇ. ئەيدىز ۋىرۇسى بىلەن يۇقۇملانغانلار ئەيدىز بىمارلىرى سانىنىڭ 6-3 ھەسسىسىگە توغرا كەلسە بۇلاردىن زادى قانچىلىكى ھەقىقىي ئەيدىز بىمارىغا ئايلىنىدۇ؟

    يېقىندا ئېلان قىلىنغان تەتقىقات ماتېرىياللىرىدىن مەلۇم بولۇشىچە، ئەيدىز ۋىرۇسى بىلەن يۇقۇملانغانلاردىن 5 يىل ئىچىدە ھەقىقىي ئەيدىز بىمارىغا ئايلىنىدىغانلار نىسبىتى %30-%10 بولىدىكەن، %30-%25 ئادەم ئەيدىزگە مۇناسىۋەتلىك كېسەللىكلەرگە گىرىپتار بولىدىكەن، ئەيدىز ۋىرۇسى يۇقتۇرۇۋالغانلارنىڭ كۆپ قىسىمى يۇقۇملانغاندىن كېيىنكى 10 يىل ئىچىدە ھەقىقىي ئەيدىز بىمارىغا ئايلىنىدىكەن. بىر قىسىم بىمارلاردا ھەتتا ئەيدىز كېسىلى سەۋەبىدىن نېرۋا سىستېمىسى قالايمىقانلىشىپ ئۆلۈپ كېتىش نىسبىتىنى تېخىمۇ يۇقىرىلىتىۋېتىدىكەن.

    ئەيدىزنىڭ ئەگەشمە كېسەللىكلىرىدىن ئاساسلىقى كاپرىنا ئۆپكە قاپلىق قۇرۇتى خاراكتېرلىك ئۆپكە ياللۇغى (%60)، كاپوز ساركومىسى (%33) قاتارلىقلار بار. ئەيدىز ۋىرۇسى بىلەن يۇقۇملانغاندىن كېيىنكى 6-3 ھەپتە ئىچىدە قىزىش، سوغۇق تەرلەش، بوغۇملار ئاغرىش، ئىچى سۈرۈش قاتارلىق ئالامەتلەر 14-7 كۈنگىچە داۋاملىشىدۇ، 6-2 ھەپتە ئىچىدە قان زەردابى ئانتېتلاسى مۇسبەتكە ئۆزگىرىدۇ. شۇنىڭدىن كېيىن، بىمار ھېچقانداق كېسەللىك ئالامىتى كۆرۈلمەيدىغان يوشۇرۇن دەۋرگە قەدەم قويىدۇ.

    ئەيدىزنىڭ يوشۇرۇن دەۋرى بىمارنىڭ يېشى، يۇقۇملىنىش سەۋەبى، قوبۇل قىلغان ئەيدىز ۋىرۇسىنىڭ مىقدارى قاتارلىقلارنىڭ ئوخشاش بولماسلىقىغا قاراپ پەرقلىق بولىدۇ. يېقىنقى يىللاردىن بۇيان ئېلان قىلىنغان دوكلاتلاردا قورامىغا يەتكەنلەردىكى ئەيدىزنىڭ يوشۇرۇن دەۋرىنىڭ 9-8 يىل بولىدىغانلىقى، بالىلاردىكى ئەيدىزنىڭ يوشۇرۇن دەۋرىنىڭ 1.2 يىل بولىدىغانلىقى خەۋەر قىلىنغان. بەزى ئەيدىز ۋىرۇسى يۇقۇمدارلىرى خېلى ئۇزۇن مەزگىلگىچە مۇشۇنداق ھالەتتە تۇرىدۇ. ئەيدىز ۋىرۇسى بىلەن يۇقۇملانغان قان سېلىنغان بىمارلاردا سېلىنغان قاننىڭ مىقدارى قانچە كۆپ بولسا ئەيدىزنىڭ يوشۇرۇن دەۋرى شۇنچە قىسقا بولىدۇ.  

    جىنسىي مۇناسىۋەت ئارقىلىق يۇقۇملانغانلارنىڭ يوشۇرۇن دەۋرى بىرقەدەر ئۇزۇن بولۇپ، ئادەتتە 8-6 يىل ئەتراپىدا، ئۇزۇن بولغانلىرىنىڭ 15 يىل ئەتراپىدا بولىدۇ. گەرچە ئەيدىزنىڭ يوشۇرۇن دەۋرىدە ھېچقانداق كېسەللىك ئالامىتى كۆرۈلمىسىمۇ، ئەمما ئەيدىز ۋىرۇسى بىلەن يۇقۇملانغانلار ئەيدىز ۋىرۇسىنىڭ تارقىلىشىدىكى مۇھىم مەنبە بولۇپ ھېسابلىنىدۇ.



    كۈرۈلىشى:(12) 2017-03-28 ساغلاملىق خەۋەرلەر

    ئەيدىز بىمارى ئايالنىڭ 90 كۈنلۈك قىياپەت ئۆزگىرىشى (فىلىم)



    كۈرۈلىشى:(13) 2017-03-28 ساغلاملىق خەۋەرلەر

    ساغلاملىق سەپىرى 30-سانساغلاملىق سەپىرى 30-سان

    ساغلاملىق سەپىرى 30-سان

    ئوكيان تېلېۋىزىيەسى _ تور بۆلۈمى




    كۈرۈلىشى:(16) 2017-03-28 ساغلاملىق خەۋەرلەر

    ئەيدىزنىڭ يوشۇرۇن دەۋرى ۋە بۇ جەرياندا كۆرۈلىدىغان ئالامەتلەر

    ئەيدىز كېسىلى بۇزغۇنچىلىق خاراكتېرى ناھايىتى يۇقىرى يۇقۇملۇق كېسەل بولۇپ، ئادەمنىڭ ئىممۇنىتېت سىستېمىسىنى كاردىن چىقىرىۋېتىدۇ. شۇنىڭ ئۈچۈن، نۇرغۇن ئادەم ئەيدىز بولۇپ قېلىشتىن قورقىدۇ. ساغلاملىق مۇتەخەسسىسلىرى ئەيدىز بىلەن يۇقۇملانغانلاردا دەرھاللا كېسەللىك ئالامىتى كۆرۈلمەيدىغانلىقىنى بىلدۈردى. ئەيدىز كېسىلىنىڭ يوشۇرۇن دەۋرى بار بولغانلىقى، ئۇنىڭ ئۈستىگە بۇ دەۋرنىڭ ئۇزۇن، قىسقىلىقى ئوخشاش بولمايدىغانلىقتىن بۇ دەۋرگە مۇناسىۋەتلىك بىلىملەرنى ئىگىلەش تولىمۇ زۆرۈر.

     ئەيدىزنىڭ يوشۇرۇن دەۋرى قانچىلىك بولىدۇ؟

    ئەيدىزنىڭ يوشۇرۇن دەۋرى 12-2 يىلغىچە بولۇپ، ئوتتۇرىچە يوشۇرۇنلۇق مەزگىلى 10 يىل دەپ قارىلىدۇ. بۇ مەزگىلدە يۇقۇملانغۇچىدا ھېچقانداق بىئاراملىق كۆرۈلمەيدۇ ۋە باشقىلارغىمۇ ناھايىتى ساغلامدەك تەسىر بېرىدۇ، كۈندىلىك تۇرمۇشى ھېچقانداق تەسىرگە ئۇچرىمايدۇ. شۇنىڭ ئۈچۈن، ئەيدىز ۋىرۇسى ئېلىپ يۈرگۈچىلەرنىڭ كۆپ قىسىمى ئۆزى بىلمىگەن ئاساستا باشقىلارغا كېسەل يۇقتۇرۇپ قويىدۇ.

     ئەيدىزنىڭ يوشۇرۇن دەۋرىدە كۆرۈلىدىغان ئالامەتلەر قايسىلار؟

    بىرىنچى، ئومۇمىي بەدەندە كۆرۈلىدىغان ئالامەتلەر: بىماردا قايتا-قايتا قىزىش، ئىشتىھاسى ناچارلاش، ئورۇقلاش، سوغۇقتىن قورقۇش، روھىي كەيپىياتى ناچار بولۇش، ئۇيقۇسىراپلا تۇرۇش، ھەرىكەت قىلىشنى ياقتۇرماسلىق، سوزۇلما خاراكتېرلىك ئىچى سۈرۈش قاتارلىق ئالامەتلەر كۆرۈلىدۇ.

    ئىككىنچى، لىمفا بەز ئىششىش: ئەيدىز ۋىرۇسى بىلەن يۇقۇملانغان بىمارلارنىڭ مۇتلەق كۆپ قىسىمىدا گەجگە ۋە قولتۇق ئاستىدىكى لىمفا بەزلىرىنىڭ ئىششىشى كۆرۈنەرلىك بولىدۇ، بىراق، تېرىدە ھېچقانداق ئۆزگىرىش كۆرۈلمەيدۇ.

    ئۈچىنچى، تېرە زەخمىگە ئۇچراش: ئەيدىز بىمارلىرىنىڭ ھەممىسىنىڭ دېگۈدەك تېرە شىللىق پەردىسى زەخمىگە ئۇچرايدۇ. بۇ ئەيدىز ۋىرۇسى بىلەن يۇقۇملانغانلاردا كۆرۈلىدىغان ئەڭ دەسلەپكى ئالامەتلەردىن بىرى بولۇپ، بىمارلاردا ئەسۋە، پۈتۈن بەدەن چىدىغۇسىز قىچىشىش، كاپوز ساركومىسى، ئۇچلۇق ھۆل سۆگەل، يەلتاشما قاتارلىقلار پەيدا بولىدۇ.

    مۇتەخەسسىسلەرنىڭ تەكلىپى: ناۋادا سىزدە يۇقىرىدا بايان قىلىنغان 3 چوڭ كېسەللىك ئالامىتىنىڭ بىرى كۆرۈلسە دەرھال دوختۇرخانىغا بېرىپ ئەيدىزگە قارىتا تەكشۈرتۈڭ. گەرچە، ئەيدىز كېسىلىگە ھازىرچە داۋا تېپىلمىغان بولسىمۇ، ئەمما بالدۇر بايقىغاندا مۆجىزە كۆرۈلۈپ ساقىيىپ قالسىڭىز ئەجەپ ئەمەس.



    كۈرۈلىشى:(16) 2017-03-28 ساغلاملىق خەۋەرلەر

    ئەيدىز كېسىلى زادى قانچىلىك قورقۇنچلۇق؟

    ئەيدىز كېسىلى زادى قانچىلىك قورقۇنچلۇق؟ ئەيدىزنى ئانچە چۈشەنمەيدىغانلار بەلكىم بۇ مەسىلە توغرىسىدا ئۇزۇندىن بۇيان ئويلىنىپ كېلىۋاتقان بولۇشى مۇمكىن. تۆۋەندە بىز مۇشۇ مەسىلە ئۈستىدە مۇلاھىزە يۈرگۈزۈپ باقايلى.

    بىرىنچى، ئەيدىز كېسىلى راستىنلا شۇنچە قورقۇنچلۇقمۇ؟

    1. ئەمەلىيەتتە ئەيدىز ئۇنچە قورقۇنچلۇق ئەمەس. بىراق، نۆۋەتتە ئەيدىزنى تۈپ يىلتىزىدىن داۋالاپ ساقايتىدىغان ئۈنۈملۈك ئۇسۇل بولمىغانلىقتىن كىشىلەردە مۇشۇنداق ئاڭ شەكىللىنىپ قالغان. ئەيدىز بىمارلىرى ئادەتتە ئۇزۇن مۇددەت دورا يېيىش ئارقىلىق كېسىلىنى كونترول قىلالايدۇ.

    گەرچە بۇ ئۇسۇلنىڭ ئادەم بەدىنىگە پەيدا قىلىدىغان ئەكس تەسىرى كۈچلۈك بولسىمۇ، ئەمما بۇ ئۇسۇلنى قوللانمىغاندا بىمارلارنىڭ ھاياتى تېخىمۇ ئېغىر خەۋپلەرگە دۇچ كېلىشى مۇمكىن.

    2. ئەيدىز كېسىلى كىشىلەرنىڭ ئىجتىمائىي تۇرمۇشىغا ئېغىر دەخلى يەتكۈزىدىغان بولغانلىقتىن ئۇلارنىڭ پىسخىكىسىدىمۇ بىنورماللىق پەيدا بولىدۇ، كۆپ قىسىم ئەيدىز بىمارلىرى ئۆزىنى خۇددى تاشلىۋېتىلگەندەك ھېس قىلىپ قالىدۇ. 

    ئىككىنچى، قانداق قىلغاندا ئەيدىز كېسىلىگە توغرا مۇئامىلە قىلغىلى بولىدۇ؟

    1. بىز چوقۇم ئەيدىز ۋىرۇسىنىڭ ئانا تېنىدىن بالىغا يۇقىدىغانلىقى، شۇنداقلا قان سېلىش ۋە جىنسىي مۇناسىۋەت ئارقىلىق تارقىلىدىغانلىقىنى، نورمال تۇرمۇش جەريانىدا يۇقمايدىغانلىقىنى ئېنىق ئايدىڭلاشتۇرىۋېلىشىمىز كېرەك. 

    2. گەرچە ئەيدىز كېسىلى قورقۇنچلۇق بولسىمۇ، ئەمما ئۇنىڭ ئالدىنى ئېلىش ئۇسۇلى بار. كۈندىلىك تۇرمۇش جەريانىدا ئالدىنى ئېلىش تەدبىرلىرىنى ياخشى ئىشلەپ، ياخشى تۇرمۇش ئادىتى يېتىلدۈرۈش، قالايمىقان جىنسىي مۇناسىۋەت قىلماسلىق، كېلىش مەنبەسى ئېنىق بولمىغان قانلارنى سالدۇرماسلىق قاتارلىق ئۇسۇللار ئارقىلىق بۇ كېسەل بىلەن يۇقۇملىنىپ قېلىشتىن ئۈنۈملۈك ساقلىنالايمىز.



    كۈرۈلىشى:(13) 2017-03-28 ساغلاملىق خەۋەرلەر

    يېمەكلىكلەردىكى تەم ۋە ئۇنىڭ رولى

    يېمەكلىكلەردىكى تەم ۋە ئۇنىڭ رولى

    ھەكىمجان مۇھەممىدى رۇسۇل


    تەم يېمەكلىكلەرنىڭ مۇھىم خۇسۇسىيەتلىرىنىڭ بىرى بولۇپ، يېمەك–ئىچمەك، تائاملارنىڭ سۈپىتىگە باھا بېرىشتە ئاساسىي ئۆلچەم قىلىنىدۇ، يېمەك – ئىچمەكلەرنىڭ تەمى چوڭ جەھەتتىن تاتلىق، قىرتاق، چۈچۈمەل، ئاچچىق، تۇزلۇقتىن ئىبارەت بەش خىل بولۇپ، بۇ تەملەرنىڭ ئادەم بەدىنىگە بولغان ئىنكاسى ۋە رولى ئوخشىمايدۇ، بۇ تەملەر ئۆزئارا ماسلاشتۇرۇلۇپ ئىستېمال قىلىنسا، ئادەم بەدىنىنىڭ ساغلاملىقىنى ئاشۇرۇپ، ئىممۇنىتېت ئىقتىدارىنى كۈچەيتىدۇ. شۇڭا، تائاملارنى ئىستېمال قىلغاندا، يېمەك–ئىچمەكلەرنىڭ كۆپ خىل بولۇشىغا، تەملەرنىڭ مۇۋاپىق تەڭشىلىشىگە ئەھمىيەت بېرىش زۆرۈر.

    1. چۈچۈمەل تەم: چۈچۈمەل تەملىك يېمەكلىكلەرنىڭ ئاساسلىق رولى تالنى ساغلاملاشتۇرۇپ، ئىشتىھانى ئاچىدۇ، جىگەر خىزمىتىنى كۈچەيتىپ، جىگەردە بولىدىغان بەزى كېسەللىكلەرنىڭ ئالدىنى ئالىدۇ. ئاچچىقسۇ قاتارلىق بەزى چۈچۈمەل يېمەكلىكلەر مىكروب ئۆلتۈرۈپ، ياللۇغنى قايتۇرۇش رولىنى ئوينايدۇ، تېرىنى ئاسرايدۇ، يەنە ئاجىزلىقتىن تەرلەش، ئىچى سۈرۈش، كىچىك تەرەت قىستاش ۋە تەلتۆكۈس بولماسلىق قاتارلىق كېسەللىك ھالەتلەرنى داۋالاشتا رولى چوڭ. بىراق، چۈچۈمەل تەم بەدەنگە زىيادە كۆپ قوبۇل قىلىنسا، ھەزىم قىلىش ئىقتىدارىنىڭ قالايمىقانلىشىشىنى كەلتۈرۈپ چىقىرىدۇ، گەرچە جىگەر خىزمىتى كۈچەيسىمۇ، تال خىزمىتى ئاجىزلاپ، تېرىنى قېلىنلاشتۇرۇپ، يۈزگە بالدۇر قورۇق چۈشۈش، كالپۇكنى گەز باغلاش قاتارلىقلارنى پەيدا قىلىدۇ.

    2. تۇزلۇق تەم: تۇزلۇق تەم ئاش تۇزى، خەيدەي، تېتىمسۇ، قىزىل دېڭىز يوسۇنى قاتارلىقلاردىن قوبۇل قىلىنىدۇ، تۇزلۇق تەم ئاساسلىق تەم تەڭشىگۈچ بولۇپ، تاماقلارغا تەم كىرگۈزىدۇ، ئىشتىھانى ئاچىدۇ، ئىسسىقنى ياندۇرۇپ، زەھەرنى قايتۇرىدۇ، ئىچى سۈرۈش، ياندۇرۇش، تەرلەش ئەھۋاللىرى كۆرۈلگەندە، ئازراق تۇز قوشۇلغان سۇنى ئىچىپ بەرسە، ئۈنۈمى ياخشى بولىدۇ، بەدەندىكى ئېلېكتىرولىتنىڭ تەڭپۇڭلۇقىنى ساقلاپ، ئىممۇنىتېت كۈچىنى ئاشۇرىدۇ. بىراق، تۇزلۇق تەممۇ زىيادە كۆپ قوبۇل قىلىنسا، يۇقىرى قان بېسىمى، يۈرەك قان تومۇر كېسەللىكلىرى، بۆرەك ئاجىزلىق، سۇلۇق ئىششىق، قان يېتىشمەسلىك قاتارلىق كېسەللىكلەرنى كەلتۈرۈپ چىقىرىدۇ.

    3. تاتلىق تەم: بۇ تەم ئاساسلىقى شېكەر، قەنت، سۇلۇ شېكىرى، ھەسەل، گۈرۈچ، ئۇن تائاملىرى قاتارلىق يېمەكلىكلەردىن ھاسىل بولىدۇ. تاتلىق تەملىك يېمەكلىكلەرنىڭ رولى ئاساسلىقى تەنگە ماغدۇر كىرگۈزۈپ، تال ۋە ئاشقازان خىزمىتىنى كۈچەيتىدۇ، ئاغرىق پەسەيتىپ، بەدەننى ئېنېرگىيە بىلەن تەمىنلەيدۇ. ئەمما، تاتلىق تەملىك يېمەكلىكلەرنى زىيادە ئىستېمال قىلغاندا، بەدەندىكى ۋىتامىن B1، ۋىتامىن Eنى كېمەيتىۋېتىدۇ، قاندىكى قەنت مىقدارىنى ئاشۇرۇپ، خولېستېرىننى كۆپەيتىۋېتىدۇ، بۆرەك ئىقتىدارى ئاجىزلاپ، چىراي قارىداپ كېتىش، دېمى سىقىلىش، بەل – پۇتلىرى تېلىپ ئاغرىش، چېچى بالدۇر چۈشۈپ كېتىش قاتارلىق ئالامەتلەرنى كەلتۈرۈپ چىقىرىدۇ، شۇڭا، قەنت كېسىلىگە گىرىپتار بولغانلار، سەمرىپ كەتكەنلەر، بۆرەك ئىقتىدارى ئاجىزلار تاتلىق يېمەكلىكلەرنى ئاز يېيىشى ۋە بۇنىڭدىن پەرھىز تۇتۇشى لازىم.

    4. قىرتاق تەم: بۇ تەم ئاساسلىقى پىياز، ئاچچىق كاۋا، ئاچچىق ئۆرۈك مېغىزى، چاي، قەھۋە قاتارلىق يېمەكلىكلەردىن كېلىدۇ، بۇ تەمنىڭ بەدەندىكى رولىمۇ مۇھىم بولۇپ، مۇۋاپىق ئىستېمال قىلىنسا، بەدەندىكى ھۆللۈكنى قۇرۇتىدۇ، ئىسسىقنى ياندۇرۇپ، زەھەرنى قايتۇرىدۇ، بەدەندىكى توپلىشىپ قالغان ئىسسىقنى تارقىتىپ، تەرەتنى راۋانلاشتۇرۇپ، جىگەر ئىقتىدارىنى كۈچەيتىدۇ، تالنى ساغلاملاشتۇرۇپ، ئىممۇنىتېت كۈچىنى ئاشۇرىدۇ. ئەمما، قىرتاق تەم بەدەنگە زىيادە كۆپ قوبۇل قىلىنسا، ئادەمدە ئوڭايلا كۆڭۈل ئاينىش، ياندۇرۇش، ئىچى سۈرۈش، ھەزىم قىلىش ناچارلىشىش كېسەللىكلىرىنى پەيدا قىلىدۇ، قىرتاق تەمنى زىيادە ئىستېمال قىلغاندا، ئۆپكە خىزمىتى ئاجىزلاش، تېرە قۇرغاقلىشىش، چاچ چۈشۈشنى كەلتۈرۈپ چىقىرىدۇ.

    5. ئاچچىق تەم: بۇ خىل تەم ئاساسلىقى زەنجىۋىل، غولپىياز، سامساق، مۇچ، قارامۇچ قاتارلىق يېمەكلىكلەردىن ھاسىل بولىدۇ، ئاچچىق تەمنىڭمۇ ئۆزگىچە رولى بولۇپ، ئاساسلىقى قىزىل قان تومۇرلىرىنى كېڭەيتىپ، قان ئايلىنىشنى ياخشىلايدۇ، ئاشقازان–ئۈچەي ھەرىكىتىنى ياخشىلاپ، ھەزىم قىلىش سۇيۇقلۇقىنىڭ ئاجرىلىشىنى ئىلگىرى سۈرىدۇ، بەدەندىكى يەلنى ھەيدەپ، سوغۇقنى تارقىتىدۇ، قىزىتمىنى ياندۇرۇپ، ئاغرىقنى توختىتىدۇ، خىلىتنى تەڭشەپ، قاننى جانلاندۇرىدۇ. ئەمما، بەدەندىكى ئاچچىق تەم زىيادە ئارتىپ كەتسە، ئاشقازان يارىسى، گېموروي، مەقئەت يېرىلىش، تېرە كېسەللىكلىرى، تىرناق يېرىلىش، پەي تارتىشىش قاتارلىق كېسەللىكلەرنى كەلتۈرۈپ چىقىرىدۇ.


    مەنبە: http://uy.ts.cn/life/content/2017-03/27/content_592129.htm?lang=uy



    كۈرۈلىشى:(15) 2017-03-28 ساغلاملىق خەۋەرلەر

    ئۇيقۇ دورىسى بانان

    بانان ئادەتتە كۆپ ئىستېمال قىلىنىدىغان مېۋە، ئۇ نۇرغۇن كېسەللىكلەرگە شىپا بولىدۇ، داۋالاش ئۈنۈمى ئۈچەينى سىلىقلاپ تەرەتنى راۋانلاشتۇرۇش بىلەنلا چەكلىنىپ قالماي، نېرۋىنى تىنچلاندۇرىدۇ، شۇڭا، ئاخشىمى ئۇخلاشتىن بۇرۇن بىرەر تال بانان يېسە ئادەم ناھايىتى شېرىن ئۇخلايدۇ. چۈنكى، باناندىكى مول ماگنىينىڭ مۇسكۇللارنى بوشىتىشقا ياردىمى بولىدۇ. شۇڭا، بانان مېۋىلەر ئىچىدىكى ‹‹ئۇيقۇ دورىسى›› دەپ ئاتىلىدۇ.

    ئاخشىمى ئۇخلاشتىن بۇرۇن بانان يېگەندە سېروتونىننى تۇراقلاشتۇرىدۇ، باناننىڭ ئىسسىقلىق مىقدارى تۆۋەن، ئوزۇقلۇقى مول بولغاچقا، ئادەمنى سەمرىتمەيدۇ.

    كۈز ۋە قىش پەسلىدە ھاۋا قۇرغاقلىشىپ، بەدەندىكى سۇ كۆپلەپ پارلىنىپ كېتىدىغان بولغاچقا، تېرە قىچىشىپ بىئارام قىلىدۇ، بۇ چاغدا باناننىڭ تېرە قۇرغاقلىشىپ قىچىشىش ئەھۋالىنى يەڭگىللىتىش، باكتېرىيەلەرنىڭ كۆپىيىشىنى چەكلەش ۋە زەمبۇرۇغلاردىن يۇقۇملىنىشنىڭ ئالدىنى ئېلىشتىكى ئۈنۈمى ناھايىتى ياخشى بولىدۇ. چۈنكى، باناندىكى مۇسارىن دەپ ئاتىلىدىغان بىر خىل ماددا زەمبۇرۇغلۇق تېرە كېسەللىكلىرىگە شىپا بولىدۇ. بانان شۆپىكىنى قىچىشقان ئورۇنغا سۈرتسىمۇ، ئۈنۈمى ياخشى بولىدۇ.

    باناندا 6–سېروتونىن دەپ ئاتىلىدىغان بىر خىل ماددا بار، بۇ خىل ماددا ئادەمنى شادلاندۇرىدىغان بولغاچقا، ئادەملەردىكى ئۈمىدسىزلىك ۋە چۈشكۈنلۈكنى يوقىتىش رولى بولىدۇ، شۇڭا، كۈز ۋە قىش پەسلىدە باناننى كۆپرەك يەپ بېرىش كېرەك.

    ئېرفانجان ياسىن تەرجىمىسى


    مەنبە: http://uy.ts.cn/life/content/2017-03/27/content_592128.htm?lang=uy



    كۈرۈلىشى:(17) 2017-03-28 ساغلاملىق خەۋەرلەر

    ئادەم تېنىنىڭ 24 سائەتلىك ۋاقىت جەدۋىلى

    يۈرەك كېسەللىكى نېمە ئۈچۈن چۈشتىن بۇرۇن ئوڭاي قوزغىلىدۇ؟ نېمە ئۈچۈن چۈشتىن كېيىن ماشىنا ھادىسىسى ئوڭاي يۈز بېرىدۇ؟ ئەمەلىيەتتە بۇلارنىڭ ھەممىسىدە بىيوسائەت رول ئوينايدۇ. يېقىندا، ئەنگلىيە رادىيو شىركىتى (BBC) ‹‹بىيوسائەتنىڭ سىرى›› ناملىق ھۆججەتلىك فىلىمنى سۈرەتكە ئالغان بولۇپ، ئادەم تېنىنىڭ بىر كۈندىكى ئوخشىمىغان باسقۇچلاردىكى ئۆزگىرىشلەرنى بايان قىلغان.

    سائەت 00: 02 دىن 00: 04كىچە قاننىڭ ئايلىنىش سۈرئىتى ئاستىلايدۇ، يۈرەك قان تومۇر كېسەللىكىنىڭ يۈز بېرىش نىسبىتى يۇقىرى پەللىگە يېتىدۇ.

    كەچ كىرگەندىن كېيىن بەدەن تېمپېراتۇرىسى تۆۋەنلەيدۇ. سائەت 00: 04 ئەتراپىدا بىيوسائەتنىڭ دەۋرلىنىشى ئەڭ تۆۋەن نۇقتىغا چۈشۈپ، ھەممە ئەزا ئارام ئالىدۇ، مۇسكۇللار بوشىشىپ، قان بېسىمى نىسبەتەن تۆۋەن بولىدۇ. تومۇرنىڭ سوقۇشى، نەپەس قېتىم سانى ئازلايدۇ. بۇ چاغدا قان ئايلىنىش ئاستىلاپ، قان نۆكچىسى ئوڭاي ھاسىل بولىدۇ. ئەگەر كېچىچە تۈنەش سەۋەبىدىن بەدەننىڭ نورمال ئارام ئېلىش مېخانىزمىغا تەسىر يەتسە، يۈرەك قان تومۇر كېسەللىكى قوزغىلىپ، تۇيۇقسىز ئۆلۈپ كېتىش ئەھۋاللىرى كۆرۈلىدۇ. ئالىملارنىڭ تەكىتلىشىچە، كەچتە ئۇخلاش ۋاقتى سائەت 00: 24تىن ئېشىپ كەتمەسلىك، ئۇخلاشتىن ئاۋۋال مۇۋاپىق سۇ تولۇقلاش كېرەك ئىكەن.

    سائەت 00: 03تىن 00: 05كىچە ئاغرىق سېزىمى تۆۋەن، ئۆزىنى تونۇش نىسبىتى يۇقىرى بولىدۇ.

    ھۆججەتلىك فىلىمدە، ئالىملار نۇرغۇن تەكشۈرۈش ئارقىلىق ئاجايىپ قىزىقارلىق ئەھۋالنى بايقىغان، يەنى، ھامىلىدار ئاياللارنىڭ كېچىدە تۇغۇپ قويۇش نىسبىتى كۈندۈزدىكىدىن يۇقىرى بولىدىكەن، بەزى ئالىملارنىڭ قارىشىچە، بۇنداق چاغدا بەدەن نىسبەتەن بوشاش ھالىتىدە، بەدەن تېمپېراتۇرىسى تۆۋەن، ئاغرىق سېزىمىمۇ ئاجىز بولۇپ، ئۆزى تۇغۇشقا تېخىمۇ پايدىلىق ئىكەن.

    سائەت 00: 07دىن 00: 09غىچە نېرۋىنىڭ ھاياجانلىنىشى كۈچىيىپ، ھەرىكەتتىن كېيىن بېسىم تېز ئۆرلەيدۇ.

    مېدىتسىنا تەتقىقاتىنىڭ ئىسپاتلىشىچە، ئەتىگەندە ئورنىدىن تۇرغاندىن كېيىن ئۈچ سائەت ئىچىدە قان بېسىمى يۇقىرى پەللىگە چىقىدىكەن، ئەنگلىيەلىك ئالىم كىرىگ ئاتفىسىن تەتقىقات گۇرۇپپىسىنىڭ تەتقىقات نەتىجىسىدىن قارىغاندا، ئەگەر چۈشتىن بۇرۇن ئېغىر چېنىقىش ھەرىكىتى بىلەن شۇغۇللانغاندا، قان بېسىمى ئۆرلەپ، قان تومۇرلىرى كېسەللىكى خەۋپىنى ئاشۇرۇۋېتىدىكەن. ئالىملارنىڭ چۈشەندۈرۈشىچە، بۇ مەزگىلدە بۆرەكنىڭ پوست توقۇلما ھورمونى ئاجرىتىپ چىقىرىشى يۇقىرى پەللىگە يېتىپ، نېرىپلار ھاياجانلىنىش خاراكتېرلىك كۈچىيىپ، ھەرقايسى ئەزالار جانلىنىش ھالىتىگە ئۆتىدىكەن. بۇلاردىن باشقا، قان پىلاستىنكىلىرى كۆپ يىغىلىۋېلىپ، قاننىڭ يېپىشقاقلىقى ئېشىپ، كېچىدە سۇ تولۇقلاش ياخشى بولماي، قان تومۇرلاردا ئوڭايلا قان نۆكچىسى ھاسىل بولۇپ، يىغىلىپ قالغان مايلارمۇ ئاجرىلىپ، يۈرەكنى خەتەرلىك ھالەتكە چۈشۈرۈپ قويىدىكەن.

     سانلىق مەلۇماتلاردا كۆرسىتىلىشىچە، مۇشۇ مەزگىلدىكى يۈرەك كېسەللىكىنىڭ قوزغىلىش نىسبىتى باشقا چاغلاردىكىدىن ئۈچ ھەسسىدىن كۆپرەك يۇقىرى بولىدىكەن، شۇڭا، سەھەردە ئىنتايىن تىنچ، ئېغىر – بېسىق بولۇش، ئورنىدىن تۇرۇپ بىر ئىستاكان قايناق سۇ ئىچىپ، جىددىي ھەرىكەت قىلىشتىن ساقلىنىش لازىم.

    سائەت 00: 10دىن 00: 12گىچە كەيپىيات جۇشقۇن، مېڭە ئىنكاسى تېز بولىدۇ.

    بىر كېچە ئۇخلاپ ئارام ئېلىش ۋە ئەتىگەندىكى ئېنېرگىيە تولۇقلاشتىن كېيىن، كەيپىيات جۇشقۇن، ئىجادچانلىق كۈچى كۈچلۈك بولىدۇ. بىيولوگىيەلىك تەجرىبە ئارقىلىق بايقىلىشىچە، بۇ چاغدا چوڭ مېڭە نېرۋىنى ئويغىتىدىغان ھورمون ئاجرىتىپ چىقىرىدىكەن، ئاجرىتىپ چىقارغان مىقدارى قانچىكى كۆپ بولغانسېرى، چوڭ مېڭىنىڭ سەزگۈرلۈكى شۇنچە يۇقىرى بولىدىكەن، شۇڭا بۇ ۋاقىتتىكى خىزمەت ئۈنۈمى يۇقىرى بولىدىكەن. سائەت 00: 14تە چوڭ مېڭە ئارام ئالغاچقا، ماشىنا ھادىسىسى كۆپ يۈز بېرىدىكەن.

    چۈشلۈك تاماقتىن كېيىن ئادەمنى ئۇيقۇ باسىدۇ. ئادەتتە بۇنى قاننىڭ تارقىلىشىدا ئۆزگىرىش بولغانلىق، ئاشقازان–ئۈچەيدىكى قان ئايلىنىش مىقدارىنىڭ ئاشقانلىقى، چوڭ مېڭىگە قان يېتىشمىگەنلىكى كەلتۈرۈپ چىقىرىدۇ، دەپ قارىلىدۇ. ئەمەلىيەتتە، تەتقىقاتتا ئىسپاتلىنىشىچە، ئۇيقۇ كېلىشنى يالغۇز قان ئېقىمىدا ئۆزگىرىش بولغانلىقىلا كەلتۈرۈپ چىقارماستىن، يەنە چوڭ مېڭىدىكى بىر خىل ئالاھىدە ماددىنىڭ دەم ئېلىش رىتىمىدە ئۆزگىرىش بولغانلىقىدىن بولىدىكەن. سانلىق مەلۇماتتا كۆرسىتىلىشىچە، بۇ چاغدا ماشىنا ھەيدىسە، ھادىسە يۈز بېرىش نىسبىتى يۇقىرى بولىدىكەن. شۇڭا چۈشلۈك تاماقتىن كېيىن ئەڭ ياخشىسى 15 مىنۇتتىن 20 مىنۇتقىچە ئارام ئېلىۋېلىش لازىم.

    سائەت 00: 16دە يامان سۈپەتلىك ھۈجەيرىلەرنىڭ ھەرىكىتى ئاجىز بولىدۇ، نەتىجىدە خىمىيەلىك داۋالاشنىڭ ئەكس تەسىرى ئاز بولىدۇ.

    ئەنگلىيە مېدىتسىنا تەتقىقات كومىتېتىدىكى مېكىر خېستىنس دوختۇرنىڭ ئېيتىشىچە، بىيوسائەتنىڭ خىزمەت رىتىمىنىڭ تەسىرى تۈپەيلى، بۇ ۋاقىتتا خىمىيەلىك داۋالاش ئېلىپ بارغاندا، خىمىيەلىك داۋالاشنىڭ ئەكس تەسىرى يەڭگىل بولىدىكەن. تەكشۈرۈش نەتىجىسىدە كۆرسىتىلىشىچە، ئالاھىدە مەزگىلدە دورا ئارقىلىق داۋالىغاندىن كېيىن ساغلام ھۈجەيرىنىڭ زەخىمگە ئۇچرىشى كۆرۈنەرلىك ئازلىغان ھەم راك ھۈجەيرىسى ئىككى ھەسسە ئارتۇق يوقىغان.

    سائەت 00: 17دىن 00: 18گىچە بەدەن تېمپېراتۇرىسى تېز ئۆرلەيدۇ.

    بۇ ۋاقىتتا ئادەمنىڭ زېھنى يەنە بىر قېتىم ئۆتكۈرلىشىدۇ، خىزمەت ئۈنۈمى يۇقىرى بولىدۇ. پۇراش سېزىمى، تەم سېزىمى، ئاڭلاش سېزىمى قاتارلىقلار ناھايىتى سەزگۈر بولىدۇ. بەدەن قۇۋۋىتى، چىدامچانلىقى ۋە بەدەن تېمپېراتۇرىسى يۇقىرى پەللىگە يېتىدۇ، بىيوسائەتنىڭ تەسىرى بىلەن ئادەم تېنىنىڭ تېمپېراتۇرىسى چۈشتىن كېيىندىن باشلاپ مۇقىم ئۆرلەپ، بەدەن قىزىتقانغا ئوخشاش رول ئويناپ چېنىقىش ئۈنۈمى تېخىمۇ ياخشى بولىدۇ.

    ئەنگلىيەلىك ئالىم ئاتسىننىڭ كۆرسىتىشىچە، ھەربىر يېنىك ئاتلېتىكا ھەرىكىتى ۋە ماشىنا مۇسابىقىلىرىدىكى دۇنيا رېكورتلىرىنىڭ كۆپىنچىسى چۈشتىن كېيىن ياكى كەچتە يارىتىلغان ئىكەن.

     سائەت 00: 20دىن كېيىن مېتابولىزم ئىقتىدارى ئەڭ تۆۋەن چەككە چۈشىدۇ.

    كەچتە، بىيوسائەت ھارغىنلىق باسقۇچىغا كىرىدۇ. ئادەم تېنىنىڭ ماددا ئالماشتۇرۇش ئىقتىدارى كۈندۈزگە يەتمەيدۇ. بۇنداق چاغدا ھاراق ئىچسە، قاننىڭ ئىسپىرتنى قوبۇل قىلىشى قىيىنغا توختاپ، ئوڭاي مەست بولۇپ قالىدۇ، ئوخشاشلا بۇ چاغدا كۆپ تاماق يېسىمۇ قان شېكىرى تېز ئۆرلەپ، قەنت كېسىلىگە گىرىپتار بولۇش نىسبىتىنى ئاشۇرۇۋېتىدۇ.

    بىيوسائەت بىر خىل كۆرۈنمەس ‹‹سائەت›› بولۇپ، ئۇ سىزگە ھەربىر كۈننىڭ ھەربىر سائىتىنى قانداق ئۆتكۈزۈش، ئۇنىڭ ئۆزگىرىش قانۇنىيىتىگە ھۆرمەت قىلىپ، ساغلاملىق ئۈچۈن مۇداپىئە كۆرەلەيدىغان بولۇشىمىزنى ئەسكەرتىپ تۇرىدۇ.

    راخمانجان رۇسۇل تەرجىمىسى


    مەنبە: http://uy.ts.cn/life/content/2017-03/27/content_592131.htm?lang=uy



    كۈرۈلىشى:(13) 2017-03-28 ساغلاملىق خەۋەرلەر
    مەملىكەت خەۋەرلىرىNEW
    CONT <<<
  • 2لى كېچياڭ، جاڭ دېجياڭ، يۈ جېڭشېڭ، ليۇ يۈنشەن، ۋاڭ چىشەن، جاڭ گاۋلىلار سىياسىي كېڭەش ئەزالىرىنى يوقلىدى
  • 3تۈتەك يوقىتىش ئۆتكەل جېڭىغا مەركەزلەشتۈرۈپ ھۇجۇم قىلىش كېرەك
  • 4سەمىمىي غەمخورلۇقتىن ئىلھام ئېلىپ، باش نىشاننى ئىشقا ئاشۇرۇشقا كۈچ قوشىمىز
  • 5ئەڭ ياخشى ئامال يېڭىمىزنى تۈرۈپ غەيرەت بىلەن ئىشلەش
  • خەلقئارا خەۋەرلىرىNEW
    CONT <<<
  • 2كورېيەگە بارىدىغان جۇڭگولۇق سانى زور دەرىجىدە ئازلاپ كەتتى
  • 3كورېيە زۇڭتۇڭ مەھكىمىسى كاتىپ ئىشخانىسىدىكى 9 مەسلىھەتچى بۈگۈن كوللىكتىپ ئىستېپانامە تاپشۇردى
  • 4فىرانسىيە تەكشۈرۈش تارمىقى: ساقچىلارغا ھۇجۇم قىلغان ئەر ئەسەبىي ئۇنسۇر دەپ بېكىتىلدى
  • 5ھايتىدا ئېغىر قاتناش ۋەقەسى يۈز بېرىپ 34 ئادەم قازا قىلدى، 15 ئادەم يارىلاندى
  • تېخنىكا خەۋەرلىرىNEW
    CONT <<<
  • 2بىر يىل ئىچىدە 100 پارچە كىتاب ئوقۇش خام خىيال ئەمەس!تىللا ئەقلىي ئىقتىدارلىق دۇكىنىمىزغا ھەمكارلاشقۇچى چاقىرىمىز
  • 3ئاق ساراي كېلەر ھەپتە بىل گەيتىس بىلەن تىرامپنىڭ سۆھبەتلىشىدىغانلىقىنى ئاشكارىلىدى
  • 4ئەنگىلىيە ئالىملىرى Apple Watch ئارقىلىق خامۇشلۇق كېسىلىگە تاقابىل تۇرماقچى بولدى
  • 5بۇ خىل كەسىپتىكىلەرنىڭ ئىناۋەتلىك كارتا بېجىرىشى ناھايتى تەس
  • ئىقتىساد خەۋەرلىرىNEW
    CONT <<<
  • 2يۈزتۇرانە ئىمتىھاندا جاۋاب بېرىش تەس بولغان 10 سوئال
  • 3ئەلئېھرامنى قۇللار ياسىغان ئەمەس | دولقۇن قادىر
  • 4ئالتۇن باھاسى بىر ئايدىن بۇيانقى يۇقىرى نۇقتىنى ياراتتى
  • 5دۇنيادىكى شەھەرلەرنىڭ تۇرمۇش سۈپىتى رەت تەرتىپىدە شاڭخەي بىرىنچى ئورۇندا تۇردى
  • تاماشا خەۋەرلىرىNEW
    CONT <<<
  • 2«گۇگۇم گۈزىلى» كىرىستىن سىتېۋارتنىڭ قىزىل گىلەم ئۈستىدىكى تەدرىجىي تەرەققىياتى
  • 3ليۇ يىفېي ئارام ئالغاندىكى سۈرىتىنى ئاشكارىلىدى
  • 4غۇجاخۇن يۇمۇرلىرى 3-ئايلىق 2-سان
  • 5ياڭ مى، دوڭ جيې قاتارلىق چولپانلار داڭلىق ماركا پائالىيىتىگە قاتناشتى
  • تەنتەربىيە خەۋەرلىرىNEW
    CONT <<<
  • 2ئىسپانىيە كوماندىسى يېڭى تىزىملىكىنى ئېلان قىلدى
  • 3ئىتالىيە بىرلەشمىسى 29-ئايلانما: تورىن 2:2 خەلقئارا مىلان
  • 4بارسېلونا دورتموند توپچىسى دېمبېلېنى قوشۇۋېلىشنى ئويلاشماقتا
  • 5NBA پەسىللىك مۇسابىقە: چاقماق كوماندىسى 94:110 پادىشاھ كوماندىسى
  • مەدەنىيەت خەۋەرلىرىNEW
    CONT <<<
  • 2ساداقەتلىك بولۇش ئالىي پەزىلەتتۇر
  • 3مۇھەببەت بىر سىقىم قۇمدۇر
  • 4گۈلدەك كۈلگەن ۋەتىنىم
  • 5شارنىڭ ئۇچۇشى رەڭگىگە باغلىق ئەمەس
  • جەمئىيەت خەۋەرلىرىNEW
    CONT <<<
  • 2يۈننەن ياۋايى ھايۋاناتلار باغچىسىغا بىر كىچىك شىر ئاسلىنى قوشۇلدى
  • 3شېئىرىيەت ساھەسىدە توختىماي ئىلگىرلەۋاتقان سىچۈەن ئوتتۇرا مەكتەپ ئوقۇغۇچىلىرى
  • 414 يىل قاچقۇنلۇق ھاياتىنى داۋاملاشتۇرغان ئەر نەق مەيداندا تىزلىنىپ گۇناھىغا تۆۋە قىلدى
  • 5شوپۇر ماشىنىدىن قوغلاپ چۈشۈرۈۋەتكەن مەست ئەرنى ماشىنا بېسىۋېتىپ ئۆلۈپ كەتتى
  • شىنجاڭ خەۋەرلىرىNEW
    CONT <<<
  • 2مىللەتلەر ئىتتىپاقلىقى گۈللىرىنى ئۇزاققىچە پورەكلەپ ئېچىلدۇرايلى
  • 3فلورماردىن خېرىدارلارغا كاتتا خوش خەۋەر، پۇرسەتنى چىڭ تۇتۇڭ!
  • 42017-يىللىق ئالىي مەكتەپ ئوقۇتقۇچىلىق سالاھىيىتىنى بېكىتىش خىزمىتى 1-ئاپرېل باشلىنىدۇ
  • 5تۇرپان «ئالۋاستى بوران رايونى»دا كۆچەت تىكىش ئالدىراشلىقى باشلاندى
  • رەسىملەر خەۋەرلىرىNEW
    CONT <<<
  • 2ئىسلاندىيە دەريالىرىدىكى دېلتالارنىڭ سۇ بوياق رەسىمدەك كۆرۈنىدىغان گۈزەل مەنزىرىسى
  • 3داڭلىق فوتوگرافنىڭ زەھەرلىك چېكىملىككە زىيادە خۇمار بولۇپ قالغان ۋاقىتلىرىدىكى سۈرەتلىرى
  • 4سىزمۇ ئۆتمۈشتىكى ھالىتىڭىز بىلەن سېلىشتۇرما سۈرەت چۈشۈپ باققانمۇ؟
  • 5ئادەمنىڭ ھەيرانلىقىنى قوزغايدىغان 6 پارچە قىزىقارلىق سۈرەت
  • ماشىنا خەۋەرلىرىNEW
    CONT <<<
  • 2پاگانى Huayra Roadster ئاپتوموبىلى ئۆزگىچە سەپلىمە تەمىنلەيدۇ
  • 3ئەڭ يېڭى Panamera بېيجىڭدا بازارغا سېلىندى: 1 مىليون 88 مىڭ يۈەندىن باشلاپ سېتىلىدۇ
  • 4ئىنفىنىتى Project Black S ئاپتوموبىلى جەنۋە ئاپتوموبىل كۆرگەزمىسىدە ئېلان قىلىنىدۇ
  • 5جوڭتەي Z360 ئاپتوموبىلىنىڭ ئىچكى بېزىكىنىڭ يوشۇرۇن تارتىلغان سۈرىتى ئاشكارىلاندى
  • يۇمۇرلار خەۋەرلىرىNEW
    CONT <<<
  • 2سوغۇق بېكەتتىن مۇزدەك يۇمۇرلار S.D
  • 3سوغۇق بېكەت-سادىر يۇمۇرلىرى S.D
  • 4كۈلكە خۇرۇچلىرى 6
  • 5كۈلكە خۇرۇچلىرى 9
  • ساغلاملىق خەۋەرلىرىNEW
    CONT <<<
  • 2جىنسىيەتنى ئەر-خوتۇنلار بىر-بىرىدىن ئۆگىنىشى كېرەك
  • 340تىن ئۆتكەندە…
  • 4يەتتە خىل ئۇسۇلدا ھەم تويغۇچە يەيسىز، ھەم ئورۇقلاش مەقسىدىگە يېتەلەيسىز
  • 5بالىلار رەسىملىك كىتاب ئوقۇش پىروگراممىسى 2-قىسىم: «ئۇخلىغىن خۇددى يولۋاستەك»
  • دوستانە ئۇلانماlink